Misteri Sumur Keramat

Sumber : Dokter Kung Top

Petualangan Indigo - Iki crito fiksi (ming ndobos) ning menurutku iki sing paling gawat, mergo rumit masalahe biasa lur tentang tanah warisan leluhur..
.critane ngene..

***

Rikalane aku lagi seneng senenge mancing sidat (bengi) ,neng daerah sleman arahe jl godean ngulon prapatan gedongan kiri bablas njuk nganan nah ning kono ono kali neng njero deso. Aku kat mergane kancaku seng omahe cedak kono bar ngunggahke gede.

Singkat crito yo lur motorku tak titipke omahe kancaku kui ,njuk kat bareng mlaku liwat dalan pinggir deso. Wes padang lur kahanane wong pinggir dalan wes akeh lampu ming gumunku kok ono sumur lawas neng tengah dalan ora di tutup isih ono timbane barang. Nandakke nek sumure isih di gunakke ning bagiku yo aneh mergo sebelah sumur wes akeh omah omah apik dadi ming iso di liwati rodo loro. Asemboh ra tak gagas wong urusane dewe dewe aku ro kancaku teb mlaku biasa ming irungku mak sentub mambu koyo bakaran telo kae lho lur.

Lha neng cerak sumur kui ono wujud seng aneh anehi , blegere jelas menungso ning ireng koyo areng tros kemutuk metu kebule persis koyo areng nek koe mbakar sate kae lho lur. Wonge mbekas mbekos sambat awake panas. Dilit dilit nggebyor banyu sumur ning isih murub terus awake..hedeh.. Pas aku liwat deknen namatke aku, semono ugo aku yo ndelokke mergo gumun ados bengi bengi neng ndalan . Bareng wes jarak rodo adoh, aku takon ro kancaku " seng adus mau sopo to? wong edan deso kene po ?". kancaku malah bingung.." wong adus ? endi to? wong raono wong adus kok ! Jare kancaku genti takon. Woooh...wes genah ra beres iki, batinku njuk kancaku omong nek mambu bakaran telo cen iyo ning nek wong adus ra ono paling ketonto kowe ? Mbangane udur aku trimo meneng .

***

Bareng tekan kali njuk uncal noko setengah jam blas ra ono gondolan. Nek suasana pinggir kali jian peteng ndedet wong ngisor dapuran pring rapet. Soyo bengi hawane soyo adem, sepi nyenyet ming suoro kodok karo mbenginge nyamuk kebon nyokoti tanganku, semilir angin adem ngobahke wet pring dadi kadang kadang kemrosak .

Ora let suwe mak breng...mambu bakaran telo ngganduk banget prasaanku wes ra penak , senter tak cekel jogo jogo lur...tenan wae. Nggon seng rak curigani dapuran pring mburiku tak senteri ...Kyaaaaaaaaa....!
Jebul wong gosong wes ngetotke tekan kene..hedehh.. Tak akoni lur, aku wes sering weruh wewujutan seng aeng ning lagi iki aku kroso keweden. Alon alon walesan tak luntung njuk aku ngajak koncoku mulih wae padal isih jam 11an koncoku yo ming manut sajake ngerti aku ora tenang.

Bali liwat dalan seng mau iseng aku nimbo neng sumur swarane timbo teng krengkit mbrebeki kuping. Ora let suwe ono wong metu seko omah lawas cedak sumur. Sangar wonge lur brengose nggentaweng sak kelud kelud sisih matane mecicil penderengan bareng weroh koncoku sajake kenal tros bali mlebu meneh " sopoe....seng nyekel deso kene po ? " takonku lirih. Koncoku ming mantuk bareng rampung wisuh njuk jagongan ngopi ngopi sek neng omahe kancaku. Ndilalah bapake koncoku yo durung turu dadi melu jagongan neng teras ngarep ." Aku ki gumun kok ono sumur jian neng tengah dalan ! Opo ra ngganggu? kenopo ra di tutup wae tros banyune di manfaatke nganggo pompo banyu? kan dalane dadi jembar iso nggo liwat roda papat.?".
"Sopo seng wani nutup sumur kae mas ....? iso mati tenan..!" Bapake kancaku nyaut omongan " kae ki sumur keramat je..!" Niyat wes di tutup ket mbiyen mass !" Angker napo pak ? " nek nggon anker ki mesti opo meneh sak plok mbah ndriyo sedho, kadang seko kene krungu sworo wong nimbo gebyar gebyur wong adus. Basan di tiliki blas raono wong adus banyu bekas wong adus we raono. Embere jan garing ring, mongko akhir akhir iki sering krungu kadang jam siji jam loro bengi .!" Wah rodo menarik ki..." hanek angker kenopo mboten di tutup sisan !" Mbiyen ki tau mas sumur kae arep di tutup ben ra ngganggu dalan karo dukuhe, duwet yo wes cemepak malah arep di joli digawekke sumur karo omah omah anyar pendatang baru kae neng ra gelem. Malah dukuhe di labrak karo Mbah Ndriyo sak anak putune. Dukuhe arep di pateni di gawkke bendo ro mbah Ndriyo jenate. Dadi seprene raono seng wani ngutik utik sumur kae, sumur gawat kae..! " nek sampean ngerti mboten sejarahe sumur niko..?" Takonku ..wooo...hayo jelas ngerti aku ki asli wong kene je mas.....sejarehe ki ngene wah iki lur tak gatekke tenan.

".....mbah joyo almarhum kui seorang Wedono. Dyar ra we wedono ki opo lur..? Wedhono kui pejabat jaman londo mbiyen setingkat camat po yo...? Nah mbah joyo duwe anak loro seng mbarep jenenge mbah Poyo karo mbah mujiyo. Lha mbah poyo ki wonge mrosal seneng main judi karo seneng medok makane warisane seko mbah joyo bapake kontal. Dadi kere lha adine seng jenenge mbah mujiyo gandeng sregep dadi Ulu ulu. Kondhange mbah Ulu ulu.....hambok modyar kowe mesti ra ngerti ulu ulu ki opo....! Ulu ulu kuwi pejabat seng mengatur banyu irigasi nek corone saiki pengairan , mangkane mbah ulu ulu sugeh omahe joglo gede dobel kayu jati nah gandeng mesakke ro kakange si mbah poyo di kei seprapat bagian jatah warisane nggone mbah ulu ulu omahe mepet sumur banyune numpang dadi omah loro sumure siji mergo nek jaman mbiyen wong duwe sumur ki kondyang seng duwe ming wong sugih. Sumure tatanan boto dadi iso nggo gawe omah jaman semono.
Lha ming sayange mbah ulu ulu ora duwe anak, angger duwe bayi mesti mati. Sementara mbah poyo anake teng trecak salah sijine jenenge mbah Ndriyo. Gandeng mbah Poyo wes mati ndisik bekase omahe dinggoni mbah Ndriyo di bagi sak adhi adhine. Dadi kari cilik cilik omahe .lha sementara mbah ulu ulu yo mati mongko ora duwe anak , tinggalane tibo neng bojone to lur....lha iki karepe Ndriyo njaluk warisane pak like seng isih jembar mergo anake ndriyo yo okeh neng karo bulike ora di nehi dadi musuhan antarane ulu ulu wedok karo mbah Ndriyo. Blas ora tau caturan malah si Ndriyo bola bali ngerah patine bulike ben warisan tibo deknen. Neng jebul warisane di kekke adine bojone mbah ulu ulu...... Ddyaaarrrr ra kowe lur mumet ra aku we seng crito yo mumet...

***

Lha adine bojone mbah ulu ulu anake telu .ora wani ngenggoni omah joglo tinggalane mbah ulu ulu mergo di teror karo Ndriyo sak anake. Malah omah sak isine diaku nggone Ndriyo tinggalan seko makne cilik. Omah joglo loro didoli murah karo Ndriyo mergo kepepet butuh ning anake adine bojone mbah ulu ulu luwih cerdas wong lemahe didol kabeh ro pengembang. Lha sumur katut wilayah seng di dol, didadekke dalan. Dadi dalan karo sumure disik sumure..

Suwe suwe bekas lemahe mbah ulu ulu kebak omah ning ra ono sing wani nutup sumur mergo banyune isih di gunakke kluargane Ndriyo. Piye? lak kurang gawean tenan to? critane ning ora oleh protes mergo critane bapake koncoku seng saiki wes dadi mbah mbah yo ngono...wkwkkkkk..

Tak delok we jam setengah telu, aku pamit bali bol koncoku wes mbiler neng lincak ora betah ngrungokne critane bapake...hehehe...
Tekan omah langsung blek turu. Tangi tangi jam 3 sore. Jian ora nyenyak blas lehku turu mergo ke ganggu mambu bakaran telo ...hedehh...
Melek moto wes weruh demit gosong hies. Rasane pingin tak emplok tenan mergo wetengku ngelih tenan...." ngopo kowe ngetotke tekan kene..?"
Dewke malah ndeprok ngoleng oleng nahan loro karo sambat panas... panas.. tulungono aku mas tulungono aku mas..!..ngono teros lor..opo ra nggilani.." kowe ki sopo ?" Deweke ngaku jenenge Ndriyo...! Deknen arep crito ning tak tolak mentah mentah mergo aku wes ngerti malah deknen genti tak critani modyar ra we.....wk wk wkkkkkk

Intine si ndriyo sambat kon nutup sumur ben iso nggo dalan mergo setiap wong ngrasani sumur mesti awake murub kobong panase ngluwihi geni jare Ndriyo karo mbekos mbekos nahan loro..." gahhhh aku niyat iso di pateni anakmu !"....si ndryo nangis gero gero. Tetep aku kon nulungi...hedehhh...." yo wes sesok tak moro nggone anakmu saiki urusono anakmu ndisik kono ndang minggat ora sumbut karo dek isih urip nggleleng sopo siro sopo ingsun nggeto saiki kiwah kiwih njaluk tulung..! Ora suwe wujude ndriyo ilang..hedehhh. Jane memeng aku lur nulungi Ndriyo neng nekra tak tulungi mesti ming mora moro seng peng pindone iki gawean seng abot beresiko ning ora ono apa apane hies jian nasiib nasib.

Tenan lur sesuke aku moro nggone kancaku tak kon ngeterke nggone dukuhe seng jeh dulure kancaku. Bareng ketemu tak critakne lelakon iki " wah....aku nek urusan sumur kae wegah aku opo meneh urusan karo si yanto wes hawane ming emosi di terangke ra dong dong ! Wes tau kok sumure arep di tablek di ijoli sumur anyar isih di tambahi duwit 5 jt ora gelem oq piye kui jal !" Malah saiki saploke mbah ndriyo sedho sasi desember 2016 wingi okeh isu nek sumure dadi angker, nek njenengan iso ngrembuk si yanto saiki sesok minggu tak kerja baktekne ! Jare dukuhe. Yanto rasah melu ragat ! Aku njuk moro neng omahe yanto. Jebul omahe yanto cedak sumur wonge seng brengose kandel kae lho lur. Aku kon mlebu omah mbasan tak terangke maksut lan tujuane yanto muntab malah arep ngajar aku nganti bojone yanto geger nyekeli yanto " yo wes nek kowe ra percoyo aku ora duwe maksud opo opo aku ming nyampekke amanahe bapakmu seng wes mati. Nek koe tegel ro bapakmu yo karepmu ngertio bapakmu saiki kesekso seng sok nimbo mbengi kae bapakmu wes ngono wae !"

Aku njuk metu lha pada saat kui lur bojone yanto semaput njuk sadar ning matane abang raine mangar mangar njuk ndudingi si yanto ngonek onekke si yanto swarane malih koyo swarane bapake. Yanto kaget campur bingung brengos seng maune njentar dadi mglumbruk kiwah kiwih. Aku di playoni metu njaluk ngapuro, aku yo genten jual mahal.".Gah...kowe wes nglarani atiku ra sudi aku nulungi dapormu aku arep bali !"..ning sikilku di gondeli. Wah geger wektu kui lur tonggo ronggo do metu do kepo pingin reti ono opo. Akhire aku mesakke tros njuk bali mlebu omahe yanto. Bojone yanto isih mendelik mendelik njuk tak raupi epek epekku njuk les lemes digotong neng sentong. Tak delok ndriyo yo ono. Njuk aku jagongan meneh ro yanto di sekseni tonggo teparo . si yanto janji arep nutup sumur nek wes duwe ragat jare " wes masalah ragat rasah mbok pikir pak dukuh wes sanggup ngrampungi perkoro iki seng penting kowe iklas !" Nggih mas ! Karo nek neng kampung rasah arogan opo meneh karo pendatang " nggih mas !" Kene gawe surat pernyataan nek kowe ngolehke sumure di tutup tanda tangan di atas materai 6000 nganti kowe ngapusi tangkap polisi.

Barkui awake ndriyo sitik mboko sitik ora murup ning tan kocapo ono wewujutan nggilani njedul seko jobin akeh gek ireng do ngrayah Ndriyo diseret ambles bumi ndriyo bengok bengok njuk ilang......hedehh. Sajake ndriyo keno pasal berlapis...wkwkwk.

Minggune aku di kabari kancaku nek sumure wes di tutup si yanto di tukokne kompo ro tandon ben isih tetep iso njukuk banyune hedehhhh..

================ Tamat ==============

Kaweden MY.ID

Misteri Sumur Keramat